प्रधानमन्त्री ओलीलाई स्वास्थ्यका लागि आराम गर्न गगन थापाको आग्रह

प्रकाशित मिति

२०७६ भाद्र १८ गते, बुधबार ०६:०९

काठमाडौं, नेपाली कांग्रेसका नेता गगन थापाले प्रधानमन्त्री केपी शर्मा ओलीलाई अहिले बिरामी अवस्थामा देशको काम भन्दा पनि स्वास्थ्यका लागि आराम गर्न आग्रह गर्नु भएको छ ।

बुधवार प्रतिनिधिसभाको विशेष समयमा सांसद थापाले कार्यकारी प्रमुख लामो समय सम्म देश बाहिर बस्दा मुलुकको राष्ट्रिय सुरक्षा तथा कुटनीतिक मर्यादा आदिमा जोखिम उत्पन्न हुने बताउनुभयो । उहाँले पछिल्लो समय प्रधानमन्त्रीको कार्यबोझ बढाईएको तर शारिरीक स्वास्थ्य अवस्था भने कमजोर भएकाले नयाँ प्रधानमन्त्री चयनको मार्ग प्रसस्त गर्नुपर्ने बताउनुभयो ।