एजेन्सी, भारतीय क्रिकेट टीमका कप्तान समेत रहेका सेनाको मानार्थ कर्नेल महेन्द्रसिंह धोनीले पाकिस्तानको सीमा क्षेत्र काश्मिरमा भारतीय सेनासँगै गस्ती गर्ने भएका छन्। धोनीले सेनासमक्ष आफू पनि सीमामा ड्युटी गर्न पाउँ भन्दै निवेदन समेत दिएका थिए ।

उनको निवेदनलाई सेनाले स्वीकृति दिएपछि धोनी ‘प्यारासुट रेजिमेन्ट बटालियन’का सैनिक जवानहरुसँगै विक्टर फोर्स तालिममा सहभागी हुने भएका छन् । विक्टर फोर्स तालिमको केही भाग काश्मिरमा पनि हुने भएकोले उनी काश्मीर पुग्नेछन् । धोनी अन्य सैनिकहरु झैँ पूर्णतया अपरेशनमै भाग लिनु पर्ने अनिवार्यता भने रहेको छैन ।