५  साउन २०८३ काठमाडौं- काठमाडौंको कीर्तिपुरमा आगलागी भएको गाडीभित्र एक पुरुषको शव फेला परेको छ। प्रहरीका अनुसार कीर्तिपुर नगरपालिका–१ ट्याङ्लाफाँट क्षेत्रमा बा५च ३०३८ नम्बरको गाडीमा आगलागी भएको थियो। आगो निभाउने क्रममा गाडीभित्रबाट एक पुरुषको शव निकालिएको हो।

काठमाडौं उपत्यका ट्राफिक प्रहरी कार्यालयका सूचना अधिकारी एसपी नरेशराज सुवेदीका अनुसार शवको पहिचान खुल्न बाँकी रहेको छ। प्रारम्भिक अनुसन्धानमा आगलागी भएको उक्त गाडी नबिल बैंकको नाममा दर्ता रहेको खुलेको प्रहरीले जनाएको छ।

घटनाको कारण, मृतकको पहिचान तथा आगलागीको वास्तविक कारणबारे प्रहरीले थप अनुसन्धान अघि बढाएको छ।