काठमाडौं, सांसद कोमल वलीले अविरल वर्षाका कारण मृत्यु हुनेहरु प्रति दुःख व्यक्त गर्नु भएको छ । राष्ट्रिय सभाको बुधबार बसेको बैठकमा बोल्दै उहाँले गुल्मी लगायत देशका अन्य भुभागमा भएका प्राकृतिक विपतीप्रति चिन्ता व्यक्त गर्नु भएको हो ।

सरकारले यस्ता विपत व्यवस्थापन नयाँ योजनाका साथ गर्नुपर्ने बताउँदै उहाँले मृतकहरुलाई श्रद्धाञ्जली व्यक्त गर्नु भएको छ । यस्ता विपत नदोहोरिनका लागि सरकारले विपत व्यवस्थापन गर्दा अत्यन्तै ध्यान दिनुपर्ने बताउनु भएको छ । उहाँले विभिन्न ठाउँमा जथाभावी डोजर चलाउँदा पनि विपत हुन पुगेको दावी गर्नु भएको छ ।