काठमाडौं, नेपाली कांग्रेसका सभापति तथा पूर्वप्रधानमन्त्री शेरबहादुर देउवाले तराई–मधेसका बाढीपीडित र पहाडका पहिरो पिडितलाई राज्य पक्षले कुनै पनि सहयोग नगरेको बताउनु भएको छ । संघीय संसदको प्रतिनिधिसभा बैठकमा बुधबार पेश भएको जरुरी सार्वजनिक महत्वको प्रस्तावमाथिको छलफलमा भाग लिँदै सभापति देउवाले घरबारविहिनलाई बास, खाद्यान्न, लत्ताकपडा दिने पहिलो कर्तव्य सरकारको भएपनि बाढीपीडितले केही नपाएको बताउनु भएको छ ।

सभापति देउवाले रेडक्रस र केहि एनजीओहरुले सहयोग गरेको बताउँदै बाढी पहिरोपीडितहरुलाई सरकारले बेवास्ता गरेको बताउनु भएको छ । पूर्वप्रधानमन्त्री देउवाले हेलिकप्टरमा चढेर बाढी प्रभावित क्षेत्रको अवलोकन गरिएको भन्दै सरकारको आलोचना गर्नु भएको छ ।