एजेन्सी, इंग्ल्यान्डमा जारी १२ औं संस्करणको एकदिवसीय विश्वकप क्रिकेटको पहिलो सेमिफाइनल खेलमा न्युजिल्याण्डले भारतलाई जितको लागि २४० रनको लक्ष्य दिएको छ ।

मंगलबार म्यानचेस्टरमा वर्षाले प्रभावित गरेपछि आजलाई सारिएको खेलमा न्युजिल्याण्डले ८ विकेटको क्षतिमा २३९ रन बनाउँदै जितका लागि २४० को लक्ष प्रस्तुत गरेको हो ।

न्युजिल्याण्डका लागि रोस टेलर र कप्तान केन विलियम्सनले अर्धशतकीय इनिङ्स खेले । टेलरले ७४ रनको अर्धशतकीय इनिङ्स खेल्दा कप्तान विलियम्सनले ६७ रन बनाए ।

भारतका भुवनेश्वर कुमारले ३ विकेट लिए । हार्दिक पाण्डेय, जसप्रित बुम्रराह, युजवेन्द्र चहाल र रबिन्द्र जडेजाले १–१ विकेट लिए ।