काठमाडौं, सभामुख कृष्णबहादुर महराले बोल्न समय नदिएपछि प्रतिनिधिसभामा नेपाली कांग्रेस र राष्ट्रिय जनता पार्टी नेपालका सांसदले नाराबाजी गरेका छन् ।

आजको बैठक सुरु हुनासाथ विरोध जनाउदै उठेका प्रतिपक्षी सांदहरुलाई सभमुख महराले नयाँ कुरा सुनाउने बताउने भन्दै बस्न आग्रह गरे तर विरोध जारी रह्यो । विरोधकाबीच सभामुख महराले प्रतिनिधि सभाका सचिव गोपालनाथ योगीलाई सभामा उत्पत्ति भएका विनियोजित विधेयक २०७६, आर्थिक विधेयक २०७६, राष्टिय ऋण उठाउने विधेयक २०७६ र ऋण तथा जमानत २३ औं संशोधन विधेयकका सम्बन्धमा राष्टिय सभाबाट प्राप्त विधेयक जानकारी गराउन आग्रह गरे र विरोधकाबीच पढेरसमेत सुनाइयो ।

संदेश सुनाउनासाथ सभामुख महराले आजको बैठक स्थगित भएको र अर्को बैठक आगामी आसार ३० गते सोमबार बस्ने गरि स्थगित गर्नु भयो ।