१६ असार २०८३ काठमाडौं – नेपाली बजारमा आज सुनचाँदीको मूल्य पुनः घटेको छ। नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला ४ हजार ५०० रुपैयाँले घटेर २ लाख ७७ हजार ९०० रुपैयाँ कायम भएको छ।

यसअघि सोमबार पनि सुनको मूल्य प्रतितोला १ हजार ४०० रुपैयाँले घटेर २ लाख ८२ हजार ४०० रुपैयाँमा कारोबार भएको थियो। आइतबार भने सुनको मूल्य प्रतितोला ४ हजार ७०० रुपैयाँले बढेको थियो।

यस्तै, आज चाँदीको मूल्य पनि प्रतितोला २५ रुपैयाँले घटेर ४ हजार २८५ रुपैयाँ कायम भएको महासङ्घले जनाएको छ। सोमबार चाँदी प्रतितोला १५ रुपैयाँले घटेर ४ हजार ३१० रुपैयाँमा कारोबार भएको थियो भने आइतबार यसको मूल्य ४ हजार ३२५ रुपैयाँ रहेको थियो।