३० साउन २०८३ काठमाडौं – सरकारले जेनजी आन्दोलनका शहीद परिवार तथा घाइतेलाई स्वरोजगार उद्यम सञ्चालनका लागि ५० लाख रुपैयाँसम्म सहुलियतपूर्ण कर्जा दिने व्यवस्था गरेको छ । अर्थ मन्त्रालयले शुक्रबार ‘सहुलियतपूर्ण कर्जाका लागि ब्याज अनुदानसम्बन्धी (दोस्रो संशोधन) कार्यविधि, २०८३’ जारी गर्दै यस्तो व्यवस्था गरेको हो ।

कार्यविधिअनुसार कृषि तथा पशुपन्छी व्यवसाय, घरेलु तथा साना उद्योग, सेवा व्यवसाय, सूचना प्रविधि, पर्यटन, उत्पादनमूलक उद्योग तथा स्टार्टअप सञ्चालनका लागि कर्जा लिन सकिनेछ ।

शहीद परिवार वा घाइते भएको नेपाल सरकार वा तोकिएको निकायबाट प्रमाणित भएको हुनुपर्नेछ ।