निर्वाचन गर्ने प्रस्ताव अस्वीकृत भएपछि बेलायती प्रधानमन्त्रीलाई झड्का

प्रकाशित मिति

२०७६ भाद्र १९ गते, बिहीबार ०२:१३

एजेन्सी, ब्रिटेनमा समयअगावै आमनिर्वाचन गराउने बेलायती प्रधानमन्त्री बोरिस जोनसनको प्रस्ताव सांसदहरूले अस्वीकृत गरेका छन्।

बुधवार हाउस अफ कमन्समा भएको मतदानमा निर्वाचनको पक्षमा आवश्यक दुईतिहाइ मत ल्याउन प्रधानमन्त्री विफल भएका हुन्।

पक्षमा २९८ मत खसेको थियो भने विपक्षमा ५६ मत खसेको थियो। प्रस्ताव पारित गर्नका लागि सरकारलाई कुल ४ सय ३४ मत आवश्यक पथ्र्यो। २ सय ८८ सांसदले मतदानमा नै भाग नलिएको बीबीसीले जनाएको छ। प्रधानमन्त्री जोनसनले आउँदो अक्टोबर १५ तारिखमा आमनिर्वाचन गराउने प्रस्ताव गरेका थिए।