चैत ३०, २०७८ काठमाडौं : सेञ्चुरी कमर्सियल बैंकको प्रमुख कार्यकारी अधिकृत पदमा मनोज न्यौपाने नियुक्त हुनु भएको छ । यहि चैत्र ३० गते बसेको संचालक समितिको बैठकले न्यौपानलाई बैंकको प्रमुख कार्यकारी अधिकृत पदमा नियुक्त गरेको हो ।

यस्तै, उनलाई आगामी ४ वर्षका लागि प्रमुख अधिकृत पदको जिम्मेवारी दिएको बैंकले जनाएको छ । यसअघि न्यौपान उक्त बैंकको मुकायम प्रमुख कार्यकारी अधिकृतको रुपमा कार्यरत रहेको बताइएको छ । काठमाण्डौं विश्वविद्यालयबाट एमबीएमा स्नातकोत्तर हासिल गरेका उनी बैंकिंङ्ग क्षेत्रमा १९ वर्षभन्दा बढीको अनुभव रहेको छ ।

यसैगरी, न्यौपानेले बैंक व्यवस्थापन, संचालन तथा व्यवसाय प्रर्वद्धनका क्षेत्रमा विशेष दख्खल राख्ने प्रष्ट वक्ता, कर्मर्सियल बैंकिंङ्ग तथा लेखा क्षेत्रमा सैद्धान्तिक एवं व्यवहारिक विज्ञता हासिल गर्न सफल भएका एक अनुभवी र कुशल व्यवस्थापकको रुपमा चिनिने बैंकले जनाएको छ ।