पाकिस्तान र अफगानिस्तानबीच शनिबार भएको आइसिसी विश्वकप क्रिकेटको खेलका क्रममा हानाहान भएको छ ।अफगानिस्तानले ब्याटिङ गरिरहदा समर्थकबीच झगडा भएको मैदान बाहिर हात हालाहाल भएको हो।

झगडा भएको भिडियो सोसल मिडियामा आइरहेका छन्। जहाँ दुई देशका समर्थक हात हालाहाल गरिएको देखिएको छ भने एकअर्कालाई गाली गरिरहेको पनि सुनिएको छ।दुई देशका समर्थकबीच भएको भिडन्तमा कम्तिमा २ समर्थक घाइते भएको बीबीसीले जनाएको छ। घटना भने लर्ड्स मैदान बाहिर भएको थियो।

आइसिसीले भने घटना रंगशालामा बाहिर भएकाले आफूले छानविन गर्न नमिल्ने बताएको छ। आइसिसीका प्रवक्ताका अनुसार समर्थकबीच झगडा भएको र स्थानीय पुलिसले सुरक्षाको जिम्मेवारी लिएको बताएका छन्।