११ साउन २०८३ काठमाडौं – सुनसरीको देवानगञ्जमा भएको हिंसात्मक घटनापछि केन्द्रीय सुरक्षा समितिको बैठक गृह मन्त्रालयमा सुरु भएको छ। गृहमन्त्री सुधन गुरुङको उपस्थितिमा बसेको बैठकमा गृहसचिव, नेपाल प्रहरीका प्रहरी महानिरीक्षक, सशस्त्र प्रहरी बलका महानिरीक्षक, राष्ट्रिय अनुसन्धान विभागका प्रमुख तथा नेपाली सेनाका प्रतिनिधि सहभागी छन्।

बैठकमा सुनसरी घटनासहित देशको समग्र शान्ति–सुरक्षाको अवस्थाबारे समीक्षा गर्दै आवश्यक रणनीति तय गरिने जनाइएको छ। यसअघि गृह मन्त्रालयले सुनसरी घटनाको छानबिनका लागि सहसचिव भूपेन्द्र थापाको संयोजकत्वमा पाँच सदस्यीय समिति गठन गरिसकेको छ। समितिलाई एक साताभित्र प्रतिवेदन बुझाउन निर्देशन दिइएको छ।