सुनको मूल्य फेरि घट्यो, तोलामा १ हजार ४०० रुपैयाँले सस्तो

प्रकाशित मिति

२०८३ असार २३ गते, मंगलवार ११:०३

२३ असार २०८३ काठमाडौं – नेपाली बजारमा सुनको मूल्य लगातार ओरालो लाग्ने क्रम जारी रहेको छ। मंगलबार सुनको मूल्य प्रतितोला १ हजार ४०० रुपैयाँले घटेको छ।

नेपाल सुनचाँदी व्यवसायी महासंघका अनुसार छापावाल सुन प्रतितोला २ लाख ८८ हजार रुपैयाँमा कारोबार भइरहेको छ। अघिल्लो कारोबार दिन सुन प्रतितोला २ लाख ८९ हजार ४०० रुपैयाँमा कारोबार भएको थियो।

यस्तै, चाँदीको मूल्य पनि घटेको छ। मंगलबार चाँदी प्रतितोला ३० रुपैयाँले सस्तो हुँदै ४ हजार ५५५ रुपैयाँमा खरिदबिक्री भइरहेको महासंघले जनाएको छ।