१० असार २०८३ चितवन –  राष्ट्रिय स्वतन्त्र पार्टी (रास्वपा) ले विदेशमा रहेका महाधिवेशन प्रतिनिधिहरूलाई मोबाइल एपमार्फत मतदान गर्ने व्यवस्था गरेको छ। विदेशस्थित नेपाली सम्पर्क विभागबाट प्रतिनिधि बनेका १६३ जनामध्ये महाधिवेशनमा उपस्थित हुन नसक्ने प्रतिनिधिहरूले आफू रहेकै स्थानबाट मोबाइल एप प्रयोग गरी मतदान गर्न सक्ने रास्वपाले जनाएको छ।

महाधिवेशन स्थलमा उपस्थित प्रतिनिधिहरूका लागि भने विद्युतीय मतदान प्रणाली (ईभीएम) प्रयोग गरिएको छ। मतदानका लागि ८० वटा इलेक्ट्रोनिक भोटिङ मेसिनको व्यवस्था गरिएको पार्टीले जनाएको छ।

रास्वपाको प्रथम महाधिवेशन अन्तर्गत केन्द्रीय सदस्य तथा पदाधिकारी चयनका लागि मतदान प्रक्रिया जारी छ।