१० चैत,२०८२ काठमाडौं-  साता कारोबारको तेस्रो दिन मंगलबार शेयर बजारमा उल्लेखनीय सुधार देखिएको छ। आज नेपाल स्टक एक्सचेञ्ज (नेप्से) परिसूचक २३.८३ अंकले बढ्दै २९६० को विन्दुमा पुगेको छ।

कारोबारमा सक्रिय रहेका कम्पनीहरूमध्ये १३६ कम्पनीको शेयरमूल्य वृद्धि भएको छ भने ६ कम्पनीमा सकारात्मक सर्किट लागेको छ। यससँगै ती कम्पनीका लगानीकर्ताले उल्लेख्य नाफा कमाएका छन्।

सकारात्मक सर्किट लाग्ने कम्पनीहरूमा सालपा विकास बैंक, रिलायन्स स्पिनिङ मिल्स, सोलु हाइड्रोपावर, हिमालयन पावर पार्टनर, भुजुङ हाइड्रोपावर र होटल फोरेस्ट इन रहेका छन्।

बजारमा आएको यो वृद्धिले लगानीकर्तामा उत्साह थपिएको छ।