काठमाडौं — आईसीसी टी–२० विश्वकपअन्तर्गत मुम्बईको वानखेडे रंगशालामा जारी खेलमा इंग्ल्याण्डले नेपाललाई १८५ रनको लक्ष्य दिएको छ। टस जितेर पहिले ब्याटिङ गरेको इंग्ल्याण्डले २० ओभरमा ७ विकेट गुमाउँदै १ सय ८४ रन बनायो।

इंग्ल्याण्डका ज्याकब बेथेलले ३५ बलमा ५५ रन बनाए, ह्यारी ब्रुकले ३२ बलमा ५३ रन जोडे र विल ज्याक्सले १८ बलमा ३९ रन बनाउँदै टोलीलाई बलियो स्थिति दिलाए।

बलिङतर्फ नेपालका नन्दन यादव र दीपेन्द्रसिंह ऐरीले समान दुई विकेट लिए भने सन्दीप लामिछाने र शेर मल्लले समान एक–एक विकेट लिए।

नेपालको प्लेइङ–११ मा कुशल भुर्तेल, आसिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्शन झा, करण केसी, शेर मल्ल, नन्दन यादव र सन्दीप लामिछाने छन्।

नेपाल समूह ‘सी’ मा इंग्ल्याण्ड, वेस्ट इण्डिज, इटाली र स्कटल्यान्डसँगै रहेको छ।