आईसीसी टी–२० विश्वकपअन्तर्गत मुम्बईको वानखेडे रंगशालामा जारी खेलमा नेपालले इंग्ल्याण्डविरुद्ध टस हारेर पहिले फिल्डिङ गरिरहेको छ।

खेलको १८ ओभर २ बलमा नन्दन यादवले ह्यारी ब्रुकलाई आउट गर्दै नेपाललाई छैटौँ सफलता दिलाएका हुन्। ब्रुक शेर मल्लको हातबाट क्याच आउट भए। आउट हुनुअघि उनले ३२ बलमा ५३ रन बनाएका थिए।

नेपालको प्लेइङ–११ मा कुशल भुर्तेल, आसिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्शन झा, करण केसी, शेर मल्ल, नन्दन यादव र सन्दीप लामिछाने छन्।

इंग्ल्याण्ड समूह ‘सी’ मा नेपालको प्रतिद्वन्द्वी टोली हो, जहाँ वेस्ट इण्डिज, इटाली र स्कटल्यान्ड पनि रहेका छन्।