३१ भदौ २०८३ काठमाडौं — कुमारी बैंक लिमिटेडले आफ्ना शेयरधनीलाई नगद लाभांश दिने भएको छ। बैंकको सञ्चालक समितिको मंगलबार बसेको बैठकले आर्थिक वर्ष २०८२/८३ को नाफाबाट शेयरधनीलाई २.१०५३ प्रतिशत नगद लाभांश वितरण गर्ने प्रस्ताव गरेको हो।

प्रस्तावित लाभांश नेपाल राष्ट्र बैंकबाट स्वीकृति प्राप्त गरेपछि बैंकको आगामी वार्षिक साधारण सभाबाट पारित गर्नुपर्नेछ। साधारण सभाबाट पारित भएपछि मात्रै शेयरधनीले उक्त लाभांश प्राप्त गर्नेछन्।

बैंकको हालको चुक्ता पुँजी २६ अर्ब २२ करोड ४५ लाख ६१ हजार ३४० रुपैयाँ रहेको छ। प्रस्तावित लाभांशमा बोनस शेयर भने समावेश गरिएको छैन।

बैंकले आर्थिक वर्ष २०८२/८३ को वित्तीय विवरण स्वीकृतिका लागि नेपाल राष्ट्र बैंकमा पेश गर्ने जनाएको छ।