१८ पुस,२०८२ काठमाडौं — नेपाली कांग्रेसमा निर्वाचनअगावै महाधिवेशन हुनुपर्ने दबाब दिएको संस्थापन पक्षीय २५ केन्द्रीय सदस्यहरूको समूहले सभापति शेरबहादुर देउवासँग शुक्रबार भेट गरी पार्टी विवाद समाधानका लागि ध्यानाकर्षण गराएको छ।

समूहका अनुसार सभापति देउवाले पनि पार्टी विभाजन नहोस् भन्ने आफ्नो चाहना व्यक्त गर्नुभएको छ। भेटपछि समूहले महामन्त्रीद्वय गगन थापा र विश्वप्रकाश शर्मासँग पनि छलफल गर्ने तयारी गरेको छ।

यसअघि १६ पुसका लागि तय भएको वडा अधिवेशन प्रभावित भएपछि महामन्त्रीद्वयले नियमित अधिवेशन स्थगन गर्दै २७ पुसका लागि विशेष महाधिवेशनको तयारी थालेका छन्। कांग्रेसले आज दिउँसो ३ बजे केन्द्रीय कार्यसम्पादन समिति बैठक बोलाएको छ।