११ पुस,२०८२ काठमाडौं— नेपाली सेनाका पूर्वरथी बालानन्द शर्माले परराष्ट्रमन्त्री पदमा पद तथा गोपनीयताको शपथ लिएका छन्। आजै परराष्ट्रमन्त्री नियुक्त भएका शर्माले राष्ट्रपति भवन शीतलनिवासमा राष्ट्रपति रामचन्द्र पौडेलसमक्ष शपथ लिएका हुन्।

शपथग्रहण समारोहमा उपराष्ट्रपति, प्रधानमन्त्री, प्रधानन्यायाधीश, मन्त्रीहरू तथा उच्च पदस्थ अधिकारीहरूको उपस्थिति रहेको थियो।

परराष्ट्रमन्त्रीको जिम्मेवारी सम्हालेसँगै शर्माले नेपालको कूटनीतिक सम्बन्ध सुदृढ गर्ने र राष्ट्रिय हितलाई प्राथमिकतामा राखेर काम गर्ने अपेक्षा गरिएको छ।