मंसिर २४, २०८२ काठमाडौं— सिटिजन्स बैंक इन्टरनेशनल लिमिटेडले आफ्ना संस्थापक शेयरधनीको स्वामित्वमा रहेका ३० हजार कित्ता संस्थापक शेयर बिक्रीका लागि सार्वजनिक गरेको छ। बैंकले उक्त शेयर प्रतिकित्ता न्यूनतम १०५ रुपैयाँ मा बिक्री गर्ने जनाएको छ।

नियमअनुसार संस्थापक शेयर बिक्रीको पहिलो प्राथमिकता विद्यमान संस्थापक शेयरधनीलाई हुने भएकाले हालका लागि बैंकका विद्यमान संस्थापक शेयरधनीहरूले मात्र यी शेयर खरीद गर्न सक्नेछन्।

शेयर खरीद इच्छुकहरूले आगामी ३५ दिनभित्र बैंकको केन्द्रीय कार्यालयमा निवेदन दिनुपर्नेछ। तोकिएको अवधिभित्र विद्यमान संस्थापक शेयरधनीबाट निवेदन नआएमा भने बैंकले शेयर सर्वसाधारणलाई बिक्रीका लागि प्रक्रिया अघि बढाउने जनाएको छ।