फागुन २१ को चुनावमा नयाँ मतपेटिका खरिद गर्न नपर्ने

प्रकाशित मिति

२०८२ कार्तिक १८ गते, मंगलवार ११:३२

कात्तिक १८, २०८२ काठमाडौं— आगामी फागुन २१ गते हुने प्रतिनिधिसभा निर्वाचनका लागि नयाँ मतपेटिका खरिद गर्न नपर्ने भएको छ। निर्वाचन आयोगका अनुसार यसअघि प्रयोग गरिएका मतपेटिका पुनः प्रयोग गर्न सकिने भएकाले नयाँ खरिद आवश्यक नभएको जनाएको छ।

आयोगका प्रवक्ता नारायणप्रसाद भट्टराईले, “मतपेटिका शतप्रतिशत ठिक छन्,” भन्दै यसअघि प्रयोग भएका मतपेटिकै प्रयोग गरिने जानकारी दिए। आयोगले चुनावका लागि आवश्यक अन्य सामग्री खरिदसहितको साढे सात अर्ब रुपैयाँको अनुमानित बजेट तयार गरी अर्थ मन्त्रालयमा पठाएको छ।