कात्तिक १८, २०८२ काठमाडौं— गत असोजको अविरल वर्षापछि बकैया र बागमती नदीले बाँध कटान गरेर पसिएको बाढीले रौतहटमा १७ हजार ६३८ हेक्टर खेतमा लगाइएको धानबाली नष्ट गरेको छ।

कृषि ज्ञान केन्द्रका अनुसार बाढीले १,८०४ हेक्टर उखु, ६८५ हेक्टर तरकारी, र ४०७ हेक्टर फलफूलबालीमा पनि क्षति पुर्‍याएको छ। बाढीबाट राजदेवी, परोहा, राजपुर, माधव नारायण, गढीमाई, इशनाथ, मौलापुर र दुर्गाभगवती क्षेत्र सबैभन्दा बढी प्रभावित भएका छन्।

धान उत्पादन ७४ हजार मेट्रिक टन घट्ने अनुमान गरिएको छ। यसैबीच, किसानले खेतमा काटेर राखेको धान पनि पछिल्लो वर्षाले भिजाएपछि थप चिन्ता बढेको छ।