कात्तिक १८, २०८२ काठमाडौं— सरकारले आन्तरिक ऋण व्यवस्थापनको उद्देश्यसहित १० अर्ब रुपैयाँ ऋण उठाउने तयारी गरेको छ। यसका लागि सार्वजनिक ऋण व्यवस्थापन कार्यालयले ‘विकास ऋणपत्र–२०८६’ जारी गर्ने भएको हो।

कार्यालयका अनुसार यो ऋणपत्रको अवधि ४ वर्ष रहनेछ। ऋणपत्र कात्तिक १९ गते बोलकबोल (अक्सन) मार्फत बिक्री गरिने र कात्तिक २० गते निष्काशन प्रक्रिया सम्पन्न गरिनेछ।

यो ऋणपत्र खरिदका लागि बैंक तथा वित्तीय संस्था, गैर–बैंक वित्तीय संस्था, बीमा कम्पनीहरू तथा नेपाली नागरिकहरू सबैलाई सहभागी हुन सकिने व्यवस्था गरिएको छ। सार्वजनिक ऋण व्यवस्थापन कार्यालयले इच्छुक सबै पक्षलाई तोकिएको मितिभित्र बोलकबोल पेस गर्न आग्रह गरेको छ।