काठमाडौं, असोज ३ – राष्ट्रिय जेनजी पार्टी नेपाल निर्वाचन आयोगमा दल दर्ताका लागि पुगेको छ। अध्यक्षमा हिराप्रसाद सेती (किरण विक) रहेका छन् भने पार्टीले ‘क्रस खुकुरी’ चुनाव चिन्ह मागेको छ।

पार्टीले सामाजिक उदारवादलाई राजनीतिक दर्शन मानेको छ। संघीयता, धर्मनिरपेक्षता, गणतन्त्र, लैंगिक तथा यौनिक अल्पसंख्यक अधिकार, समावेशिता र वातावरणवादलाई आधार स्तम्भका रूपमा उल्लेख गरिएको छ।

पदाधिकारीले अधिकतम दुई कार्यकाल मात्र जिम्मेवारी पाउने व्यवस्था गरिएको छ। प्रारम्भिक केन्द्रीय समिति २१ सदस्यीय रहेको छ।

अन्य पदाधिकारीमा उपाध्यक्ष मुना विक, महासचिव गोपाल आचार्य, र सचिवहरू सञ्जु नेपाली, मोहम्मद आयातुल्ला रहमान र होम श्रेष्ठ रहेका छन्। पार्टीको संघीय कार्यालय अनामनगर, काठमाडौं मा रहेको छ।