भदौ ५,२०८२ काठमाडौं – नेपाली कांग्रेसका महामन्त्री गगन थापाले सरकारले जनतासामु गरेका प्रतिबद्धता अनुसार काम नगरेको आरोप लगाएका छन्। प्रतिनिधि सभाको बैठकमा विशेष समयमा बोल्दै उनले कांग्रेस–एमाले गठबन्धन बन्दा भएका प्रतिज्ञा कार्यान्वयन नभएको भन्दै सरकारप्रति असन्तुष्टि व्यक्त गरे।

संविधान संशोधन प्रक्रिया सुरु नगएको, सहकारी प्रकरणलाई गलत तरिकाले अघि बढाइएको र पीडितलाई अझै पैसा फिर्ता नपाएको तथ्य उनले प्रस्तुत गरे। महामन्त्री थापाले भने, “सरकार बन्दाको उत्साह अहिले मरेको जस्तो भएको छ, हामीसँग समय धेरै छैन। यसलाई सुधारेर जनताको उत्साह जगाउनुपर्छ।”

उनले सरकारको काम गर्ने शैलीप्रति तीव्र आलोचना गर्दै “ड्राइभिङ सिटमा बसेको मान्छेले राम्रोसँग गाडी नचलाएको” टिप्पणी पनि गरे।