नेपाल राष्ट्र बैंकले विभिन्न बैंक तथा वित्तीय संस्थाको मुद्दति निक्षेपमा करिब पौने ३ अर्ब रुपैयाँ लगानी गर्ने भएको छ।

केन्द्रीय बैंकका अनुसार आफ्ना विभिन्न कोषमा रहेको २ अर्ब ७७ करोड ६७ लाख रुपैयाँ मुद्दति निक्षेपमा लगानी गर्न लागिएको हो। यसका लागि भदौ ८ गते राति १२ बजेसम्म ब्याजदर प्रस्ताव गर्न बैंक तथा वित्तीय संस्थाहरुलाई आह्वान गरिएको छ।

लगानी अन्तर्गत वाणिज्य बैंकमा २ अर्ब २२ करोड १४ लाख रुपैयाँ, राष्ट्रियस्तरका विकास बैंकमा ४१ करोड ६५ लाख रुपैयाँ र राष्ट्रियस्तरका वित्त कम्पनीमा १३ करोड ८८ लाख रुपैयाँ निक्षेप राखिनेछ।

राष्ट्र बैंकले जनाएको अनुसार यो लगानी २०२५ सेप्टेम्बर ११ देखि २०२६ सेप्टेम्बर ११ सम्म ३६६ दिनका लागि हुनेछ।