चैत १९, २०७९, काठमाडौँ: साताको पहिलो कारोबार दिन आइतबार नेपाली बजारमा सुनको भाउ तोलामा ६ सय रुपैयाँले घटेको छ। नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ६ सय रुपैयाँले घटेर १ लाख ८ हजार ६ सय रुपैयाँ कायम भएको छ।

यसैगरी, तेजावी सुनको मूल्य तोलाको १ लाख ८ हजार १ सय रुपैयाँ निर्धारण भएको छ। यसअघि, शुक्रबार छापावाल सुन तोलाको १ लाख ९ हजार २ सय रुपैयाँमा कारोबार भएको थियो।

यसैगरी, तेजावी सुनको भाउ तोलाको १ लाख ८ हजार ७ सय रुपैयाँ निर्धारण भएको थियो। यता, आइतबार चाँदीको भाउ भने तोलामा १० रुपैयाँले बढेर १४ सय १० रुपैयाँ कायम भएको छ। शुक्रबार चाँदीको भाउ १४ सय रुपैयाँ कायम रहेको थियो।