१३ असार २०७९ काठमाडौंः धनुषाको सीमावर्ती क्षेत्रबाट अमेरिकी पेस्तोल सहित तीनजना पक्राउ परेका छन्।पक्राउ पर्नेमा भारतको बिहार राज्य जिल्ला मुजफ्फरपुर ७ साहेबगंजका २९ वर्षीय राहुल रंजन, २० वर्षीय उज्वल कुमार र २६ वर्षीय संजय कुमार रहेको सशस्त्र प्रहरीले जनाएका छन्।

सोमबार सशस्त्र प्रहरी निरीक्षक दिलेन्द्र खत्रीको कमाण्डमा खटेको सशस्त्र प्रहरीको टोलीले धनुषाको विदेह नगरपालिका १ महिनाथपुर स्थित सीमानाकामा जकपुरधामबाट भारत तर्फ जाँदै गरेको बिआर ०६ एपी ३००८ नम्बरको मारुति सुजुकी कारलाई चेकजाँच गर्दा सिटमुनीबाट मेड इन युएसए लेखिएको ७.६५ राउन्ड एक थान लोड भएको पेस्तोल बरामद गरेको छ।

तीनै जनालाई आवश्यक कारवाहीका लागि इलाका प्रहरी कार्यालय खजुरीमा पठाइएको सशस्त्र प्रहरीले जनाएका छन्।