२ बैशाख २०७९, काठमाडौँ : एमालेले पोखराको मेयर र उपमेयर छान्न आज निर्वाचन गर्न लागेको छ । लगातार छलफल गर्दा पनि सहमति नभएपछि निवार्चन गर्न लागेको हो । एमाले पोखरा महानगर कमिटीले सार्वजनिक गरेको निर्वाचन तालिकाअनुसार आज मध्यान्ह १२ बजे पार्टी कार्यालयमा मतदान हुने भएको हो।

उक्त निर्वाचनमा मेयर र उपमेयर उम्मेदवारमध्ये सबैभन्दा भरै मत ल्याउने एक जना महिलासहित तीन तीन जनाको नाम सिफारिस गर्ने जनाइएको छ । निर्वाचनको लागि १२ जना मेयर र ११ जना उपमेयरमा दर्ता भएका छन् ।

निर्वाचनमा एमाले पोखरा महानगर कमिटीका पदाधिकारी र सदस्य गरी ११० जनाले मतदान दिन पाउने जनाएको छ। उम्मेदवारीको लागि तीन हजार दस्तुर तोकिएको जनाइएको छ ।