पाल्पामा बालिका बलात्कार गरेको आरोपमा एक पुरुष पक्राउ

प्रकाशित मिति

२०७८ चैत्र १८ गते, शुक्रबार ११:१४

१८ चैत २०७८, काठमाण्डौं : पाल्पामा एक बालिका बलात्कार गरेको आरोपमा एक पुरुष पक्राउ परेका छन् । पक्राउ पर्नेमा पाल्ला जिल्लाको तिनाउ गाउँपालिका–१ कचल बस्ने ४८ वर्षीय कोशलबहादुर हिस्की रहेका छन् । १२ बर्षीया बालिका बलात्कार गरेको आरोपमा हिस्कीलाई प्रहरीले पक्राउ गरेको हो ।

चैत्र १७ गते बालिका बलात्कार गरेको उजुरी परेलगत्तै दोभान प्रहरी चौकीबाट खटिएको प्रहरी टोलीले हिस्कीलाई पक्राउ गरेको पाल्पाका प्रहरी प्रवक्ता डिएसपी रामेश्वर त्वातीले बताए । घटनाको बारेमा थप अनुसन्धान भइरहेको पनि जानकारी दिएका हुन् ।