भक्तपुरमा घरको तलाबाट खसेर एक वृद्धको मृत्यु

प्रकाशित मिति

२०७८ फाल्गुन ९ गते, सोमबार ०३:२५

९ फागुन २०७८, काठमाडौं : भक्तपुरमा घरको तलाबाट खसेर एक वृद्धको मृत्यु भएकाे छ । भक्तपुरको सल्लाघारी यातायात कार्यालय नजिक बस्ने ७८ वर्षीय दीपककुमार भुसालको आफ्नै घरको पहिलो तलाबाट खसेर मृत्यु भएको हो । सोमबार बिहान अचानक खस्न गई गम्भीर घाइते भएका उनको उपचारका लागि इवामुरा अस्पताल सल्लाघारी लगिएकोमा उपचारकै क्रममा उनको मृत्यु भएको प्रहरीले जनाएको छ ।

घटनास्थलमा अनुसन्धान अधिकृतसहितको प्रहरी टोली खटी गई प्रारम्भिक अनुसन्धान कार्य गरी थप अनुसन्धान कार्य भइरहेको महानगरीय प्रहरी परिसर भक्तपुरले जनाएको छ ।