१० मंसिर २०७८, काठमाडौं: आईसीसी महिला टी २० विश्वकप एसिया छनोट अन्तर्गत आफ्नो चौथो खेलमा नेपालले मलेसियाविरुद्ध जितका लागि ९३ रनको लक्ष्य पाएको छ ।

मलेसियाले ब्याटिङमा २० ओभरमा ७ विकेट गुमाएर ९२ रन बनाएको थियो।

मलेसियाका लागि एल्सा हन्टरले अविजित ३९ रन बनाइन् । नेपालका लागि सबनम राईले २ तथा कविता कुँवर, सीता राना मगर र कप्तान रुबिना क्षेत्रीले समान १ विकेट लिएका हुन् ।

नेपाल लगातार तेस्रो जित हात पार्ने योजनामा छ । पहिलो खेलमै हङकङसँग पराजित भएको नेपालले त्यसयता भुटान र कुवेतलाई सहजै हराएर शीर्ष स्थानमा रहेर ग्लोबल क्वालिफायर पुग्ने सम्भावना कायमै राखेको छ । त्यसका लागि नेपालले आज मलेसियालाई हराउनै पर्ने छ ।्

नेपाललाई मलेसियाबिरुद्ध जित हाँसिल गर्नका लागि ९३ रन आवश्यक रहेको छ ।