१२ भाद्र, २०७८ काठमाडौँ : क्रिष्टियानो रोनाल्डो म्यान्चेस्टर युनाइटेड फर्किएका छन् । शुक्रबार म्यान युले आफ्नो आधिकारिक वेबसाइट र फेसबुकमार्फत रोनाल्डो क्लबमा भित्रिएको जानकारी दिएको हो । म्यान्चेस्टर सिटी भित्रिने चर्चा चु्लिएपनि शुक्रबार रोनाल्डो युभेन्ट्समा नरहने पक्का भएपछि म्यान युले रोनाल्डोको विषयमा युभेन्ट्ससँग गम्भिर छलफल गरेको थियो ।

रोनाल्डोका एजेण्ट जोर्गे मेन्डिसका अनुसार म्यान यु ले बढाएके तिव्र गतिको इच्छा र रोनाल्डो स्वयं पनि म्यान यु को चाहनामाथि सकारात्मक भएको कारण यति छिटो सम्झौता पक्का भएको बताए । म्यान यु ले एजेण्ट जोर्गे मेन्डिस र युभेन्ट्ससँगको संयुक्त छलफलमा रोनाल्डो भित्र्याउन ३० मिलियन युरो तिर्न सहजै स्विकार गरेको बताइएको छ ।

रोनाल्डो इटालिको ट्युरिनबाट इङ्गल्याण्डको ओल्ड ट्राफोर्डका लागि आफ्नो निजि विमानमा प्रस्थान समेत गरिसकेका छन् । ५ पटकका बलोन डि ओर विजेता ३६ वर्षिय रोनाल्डोले करियरमा ३० वटा ठूला उपाधिहरु जितेका छन् । ति मध्ये ५ पटक युइएफए च्याम्पियन्स् लिग,४ पटक फिफा क्लब विश्वकप, प्रिमियर लिग,स्पेनिस लिग र इटाृलियन लिग गरी ७ पटक लिग उपाधि र पोर्चुगललाई एक पटक युरो कप दिलाइसकेका छन् ।

रोनाल्डोले करियरको शुरुवाती क्षणमा प्रिमियर लिग क्लब म्यान यु बाट सन् २००३ देखि २००९ सम्म खेलेका थिए । उनले म्यान युका लागि २९२ खेलमा ११८ गोल गरेका थिए । म्यान युका लागि खेल्दा उनले ११२ खेलमा जित हात पारेका थिए भने २८ खेलमा हार ब्यवहोर्नु परेको थियो ।