१० साउन, २०७८ काठमाडौँ :  नेकपा एमालेका उपाध्यक्ष भीम रावलले एमाले एकता अभियान अझ फराकिलो बनाउँदै आगामी चुनावको सामना गर्नका लागि तयार रहन आग्रह गरेका छन् । एमाले एकता अभियान सन्चालन गरिरहेका सांसदहरूसँगको छलफलमा आइतवार बोल्दै १० बुँदे सहमतिमा हस्ताक्षर गर्ने कार्यदलका एक संयोजक रावलले विगतमा भएका गल्ती कमजोरीको समय क्रममा समीक्षा गर्न सकिने बताए ।

रावलले भने, ‘झण्डा हेरेर कार्यकर्ता र जनता पछि लाग्ने हुन् । अब फागुनमा स्थानीय चुनाव आउछ,त्यसपछि अरु चुनाव आउछन् । अहिलेदेखि नै तिक्तता र अन्तरविरोध समाधान गर्ने,पार्टीलाई पुनः सशक्त बनाएर नलाने हो भने थप अप्ठेरो पर्छ हामीलाई ।’

रावलले १० बुँदे सहमति निकै मेहनतका साथ गरिएको भन्दै यस अभियानमा लाग्ने सबै नेताहरूलाई धन्यवाद दिनुपर्ने बताए ।