चन्द्रागिरिमा बनाइरहेको पर्खाल भत्किँदा दुईजनाको घटनास्थलमै मृत्यु, दुईजनाको अवस्था गम्भीर

प्रकाशित मिति

२०७८ जेष्ठ १९ गते, बुधबार ०१:४६

काठमाडौँ : राजधानीको चन्द्रागिरि नगरपालिकामा पर्ने पुरानो नैकाप कंकालीमा बनाइरहेको ढुंगाको वाल भत्किँदा दुई जनाको घटनास्थलमै मृत्यु भएको छ। घटनामा अन्य दुई जना गम्भीर घाइते भएको काठमाडौँ प्रहरी प्रवक्ता रमेश बस्नेतले जानकारी दिए।

मृत्यु हुनेमा उदयपुर बेलुवा–८ कि ३५ वर्षीया सीता राई र मकवानपुर राक्सिङ गाउँपालिकाका– ९ का २० वर्षीय टेकबहादुर छेपाङ रहेका छन्। उदयपुरको कटारीका २१ वर्षका मिलन तामाङ र धादिङको गल्छीका १८ वर्षीय हरि घले घाइते भएको र उनीहरुको उपचार भइरहेको प्रहरीले जानकारी दिएको छ।