जिपको ठक्करबाट वीरगञ्जमा एकजनाको मृत्यु भएको छ ।

बुधबार राति जन्ती लिएर आएको जिपले  ठक्कर दिँदा वीरगञ्ज महानगरपालिका वडा नम्बर २६ आठराहा टोल निवासी ५० वर्षका मकसुद आलमको मृत्यु भएको हो ।

गाउँमै जन्ती लिएर आएको ना ४ प २०३१ नम्बको बोलेरो जिपले आलमलाई ठक्कर दिँदा उनी गम्भीर घाइते भएका थिए ।

उपचारका लागि लैजाने क्रममा बाटोमा नै ज्यान गएको स्थानिय  प्रहरीले जनाएको छ ।

मृतकको शब पोष्टमार्टमका लागि नारायणी अस्पतालमा राखिएको छ । जिप र चालकलाई नियन्त्रणमा लिएर थप अनुसन्धान भइरहेको वडा प्रहरी कार्यालय श्रीपुरले जनाएको छ ।