चेल्सीलाई महत्वपूर्ण जित, लिभरपुल रोकियो

इंग्लिस प्रिमियर लिग फुटबल अन्तर्गत शनिबार राति भएको खेलमा चेल्सी विजयी भएको छ ।

अवे मैदानमा भएको खेलमा   चेल्सीले वेष्ट ह्याम युनाइटेडलाई १-०ले पराजित गरेको हो ।

चेल्सीको जितमा ४३ औँ मिनेटमा टिमो वेर्नरले गरेको गोल नै निर्णायक बन्यो । ८१ औँ मिनेटमा बाल्बुउना सीधै रातो कार्ड पाएर मैदानबाट बाहिरिएपछि वेष्ट ह्याम १० खेलाडीमा सीमित भएको थियो ।

जितपछि चौथो स्थानको चेल्सीको ३३ खेलबाट ५८ अंक भएको छ । वेष्ट ह्याम ५५ अंकसहित पाँचौँ स्थानमा  छ ।

यसैबिच शनिबार राति नै घरेलु मैदानमा भएको खेलमा लिभरपुल भने न्यूक्यासल युनाइटेडसँग १-१ को बराबरीमा रोकिएको छ । चौथो स्थानको होडमा रहेको लिभरपुलका लागि बराबरीले धक्का लागेको छ । ३३ खेलबाट ५४ अंकसहित  छैटौँ स्थानमा छ ।

(एजेन्सी)