एजेन्सी  : दोस्रो लेगमा पराजित भए पनि चेल्सी च्याम्पियन्स लिग फुटबलको अन्तिम चारमा प्रवेश गर्न सफल भएको छ ।

मंगलबार राति क्वाटर फाइनलको दोस्रो लिग अन्तर्गत भएको खेलमा चेल्सी एफ्सी पोर्टोसँग १-० ले पराजित भयो ।

चेल्सीले पहिलो लिगमा २-० को जित निकालेको थियो भने समग्रमा २-१ ले विजयी भएर सेमिफाइनलसम्मको यात्रा तय गर्न सफल भएको हो ।

चेल्सीले घरेलु मैदानमा भएको दोस्रो लिगमा इन्जुरी समयमा गोल खाएको हो ।

पोर्टोका लागि ९३ औँ मिनेटमा तारिमीले गोल गरेका हुन् ।

चेल्सीले पछिल्लो सात वर्षमा पहिलोपटक च्याम्पियन्स लिगको सेमिफाइनलमा स्थान पक्का गरेको हो ।