९ असोज २०८३ काठमाडौं — प्रधानमन्त्री बालेन्द्र शाहले नेपालले अति कम विकसित देश (एलडीसी) भएर पनि वातावरण संरक्षणका क्षेत्रमा आफ्नो दायित्वभन्दा बढी योगदान गरिरहेको बताएका छन् । शुक्रबार बिहान संयुक्त राष्ट्रसंघको महासभालाई सम्बोधन गर्दै प्रधानमन्त्री शाहले नेपालको वातावरणीय प्रयासबारे अन्तर्राष्ट्रिय समुदायलाई जानकारी गराएका हुन् ।

उनले नेपालको झन्डै आधा भूभाग वनजङ्गलले ढाकेको उल्लेख गर्दै वातावरण संरक्षणमा नेपालले महत्वपूर्ण योगदान गरिरहेको बताए ।

प्रधानमन्त्री शाहले विदेशबाट आयात हुने प्रदूषणकारी ऊर्जालाई विस्थापित गर्न नेपालले तीव्र गतिमा जलविद्युत् उत्पादन गरिरहेको बताए । साथै विद्युतीय सवारीसाधनको प्रवर्द्धनमा समेत नेपालले उल्लेखनीय प्रगति गरेको र यसलाई युरोपका कतिपय हिस्सासँग तुलना गर्न सकिने अवस्थामा पुगेको दाबी गरे ।

उनले जलवायु परिवर्तनको प्रभाव न्यूनीकरण तथा वातावरण संरक्षणका लागि नेपालले आफ्नो क्षमताभन्दा बढी योगदान गरिरहेको सन्देश विश्वमञ्चमा प्रस्तुत गरेका छन् ।