एजेन्सी: इटालियन सिरी ‘ए’ फुटबलमा बोलोग्नालाई पराजित गर्दै एसी मिलान शीर्ष स्थानमा यथावत रहेको छ ।

शनिबार राति भएको खेलमा मिलानले बोलोग्नालाई २-१ गोलले पराजित गरेको हो ।

बोलोग्नाको मैदानमा २६औँ मिनेटमा एन्टी रेबिकले गोल गर्दै मिलानलाई अग्रता दिलाएका थिए ।

ज्लाटन इब्राहिमोविचको पेनाल्टी बोलोग्नाका गोलकिपरले रोकेपछिको रिबाउन्ड बलमा उनले गोल गरेका थिए ।

खेलको ५५औँ मिनेटमा फ्रान्क केस्सीले पेनाल्टीमा गोल गर्दै टोलीलाई २-० को अग्रता दिलाए ।

त्यसपछि खेलको ८१औँ मिनेटमा बोलोग्नाका आन्द्रे पोलीले एक गोल फर्काएपनि मिलान २-१ ले विजयी भयो । जितसंगै मिलानले २० खेलमा ४६ अंक जोडेको छ । बोलोग्ना २० अंक जोडेर १३औँ स्थानमा रहेको छ ।