काठमाडौं: नेपाल–भारत संयुक्त आयोगको छैटौँ बैठक भारतको नयाँ दिल्लीप्मा सुरुभ भएको छ ।

नेपालका तर्फबाट परराष्ट्रमन्त्री समेत रहेका प्रदीपकुमार ज्ञवाली र भारतका बाह्य मामिलामन्त्री सुब्रह्मण्यम जय शंकरको संयुक्त सहभागितामा बैठक सुरु भएको हो ।

हैदरावाद हाउसमा चलेको उक्त बैठकमा दुई देशबीचका बिबिध विषयमा छलफल सुरु भएको छ ।

बैठकमा नेपाल–भारत सम्बन्धका सबै विषयसहित व्यापार, पारवहन, ऊर्जा, सिमाना, कोभिड–१९ सहयोग, भौतिक पूर्वाधार, सम्पर्क सञ्जाल, लगानी, कृषि, पर्यटन एवं संस्कृतिबारे छलफल हुनेछ।

बैठकमा दुवै देशका परराष्ट्र, वाणिज्य, अर्थ, जलस्रोत, ऊर्जा र रेल मन्त्रालयरविभागका उच्च अधिकारी पनि सहभागी हुनेछन् जसमा नेपालका तर्फबाट मन्त्री ज्ञवालीसहित परराष्ट्र सचिव भरतराज पौड्याल र भारतका लागि नेपाली राजदूत नीलाम्बर आचार्यको सहभागिता रहेको भारतीय दूतावासले जनाएको छ ।

दुई देशबीच राखिएका बिभिन्न बुँदामा टेकेर छलफल हुने बताइएपनि यसको समाधानमा भने अलमल रहेको विज्ञहरुको भनाई छ । नेपालले उठाएका एजेण्डामा भारतले खासै चासो नदिएको र सीमाका विषयमा त बोल्नै नचाएको बताइएको छ ।