काठमाडौंः नेपाल आउने पेट्रोलियम पाइपलाइन फोडेर डिजेल चोरी भएको छ ।

पटना नजिकै भारतको मोतिहारीदेखि नेपालको अमलेखगन्जसम्म आउने पेट्रोलियम पाइपलाइनमै प्वाल पारेर डिजेल चोरी भएको हो।

पाइपलाइन फोडेर डिजेल चोरी भएको घटनाको भारतीय आयल कर्पोरेसन (आईओसी) ले अनुगमन पनि गरेको र अनुगमनबाट पाइपलाइन फोडेर डिजेल चोरी भएको पुष्टि भएको बताइएको छ ।

भारतदेखि नेपाल आउने पेट्रोलियम पाइपलाइनमै जोडिएको पाइपलाइनमा सो घटना भए पनि नेपालतर्फ क्षति नभएको नेपाल आयल निगमले जनाएको छ ।

नेपालले तेल आयातका लागि मिटर जडान गरेको स्थानबाट करिब सय किलोमिटर भारततर्फ सो घटना भएकोले यसले नेपाल आउने तेलमा कुनै प्रभाव नपरेको निगमले जनाएको छ ।

मोतिहारीदेखि अमलेखगञ्जसम्मको पाइपलाइनको दूरी करिब ७० किलोमिटर छ।