अफगानिस्तानमा महिला पत्रकारको गोली हानी हत्या

२०७७ मंसिर २६ गते, शुक्रबार ०५:४३

एजेन्सी, अफगानिस्तानमा महिला पत्रकारको गोली हानी हत्या भएको छ । बिहिबार गाडीमा सवार मलाला मैवान्डको गोली हानी हत्या भएको हो ।

बन्दुकधारीले उनको सवारीमा गोली चलाएका थिए । उनका चालक मोहम्मद ताहिरको पनि हत्या भएको छ ।

मैवान्ड इनिकास टीभी र रेडियोमा कार्यरत थिइन् । उनी कामका सिलसिलामा जाँदै थिइन् । बन्दुकधारी हत्यापछि भागेको बताइएको छ ।

मैवान्डकी आमाको पाँच वर्ष अघि बन्दुकधारीबाट हत्या भएको थियो । उनी अधिकारवादी थिइन् । हत्यामा संलग्नको अझै पहिचान खुल्न नसकेको जनाइएको छ ।

प्रतिकृया