एजेन्सी, भारतको दुई दिने भ्रमणका रहेका अमेरिकी राष्ट्रपति डोनाल्ड ट्रम्पले भारतसँग तीन अर्ब अमेरिकी डलर अर्थात तीन खर्ब ४० अर्ब नेपाली रुपैयाँ बराबरको रक्षा सम्झौता गर्ने बताएका छन् ।

विश्वकै सबभन्दा ठूलो मोटेरा स्टेडियममा आयोजित ‘नमस्ते ट्रम्प’ कार्यक्रमलाई सम्बोधन गर्दै ट्रम्पले मंगलबार प्रतिनिधिहरुले तीन बिलियन अमेरिकी डलरको सम्झौतामा हस्ताक्षर गर्ने घोषणा गरेको र त्यो जुन बिलकुल सैन्य हेलिकोप्टर र अन्य भारतीय सेनाका लागि उपकरणहरुसँग सम्बन्धित हुने बताए । उनले भारतलाई विश्वकै उत्कृष्ट र निकै भयानक सैन्य उपकरण प्रदान गर्न लागिएको समेत उल्लेख गरे ।

अमेरिकाले भारतसँग ‘ब्रिलियन्ट ट्रेड डिल’ मा हस्ताक्षर गर्न लागेको प्रसंग उल्लेख गर्दै प्रधानमन्त्री मोदी एक अब्बल वार्ताकार भएको बताए ।