झापा , झापा बुद्धशान्ति गाउँपालिका ४ स्थित नवज्योति सामुदायिक वन समूहको कार्यालय छेउमा माछा मार्ने क्रममा करेन्ट लागेर मामा भान्जाकै मृत्यू भएको छ । बेलुकी पख टर्च बालेर माछा मार्न निस्किएका मामा भान्जा आज विहानपख स्थानीयले मृत अवस्थामा भेटेका थिए।

बुद्धशान्ति गाउँपालिका ४ बस्ने १८ वर्षिय अभिनास राई र भोजपुरबाट उनको घरमा पाउना आएका उनका मामा अन्दाजी ३५ वर्षिय मनिराम राईको माछा मार्ने क्रममा हात्तिलाई लगाएको तारबाट करेन्ट सप्लाई भएर मृत्यू भएको उनका दाई पेरिस कुमार राईले जानकारी दिएका छन् ।

हात्ती प्रभावित क्षेत्रभएकोले स्थनीयहरुले आफ्नो आफ्नो जग्गामा तार लगाएको र सोही तारबाट करेन्ट सप्लाई भएर उनीहरुको मृत्यू भएता पनि आफूँलाई यस तार लगाएको विषयमा जानकारी नभएकोे नवज्योति सामुदायिक वन समूहका अध्यक्ष मानबहादुर साँवाले जानकारी दिएका छन् ।