‘मिसन मंगल’ले तोड्यो ‘कबिर सिंह’को रेकर्ड

प्रकाशित मिति

२०७६ भाद्र ३ गते, मंगलवार ०१:५१

एजेन्सी, बलिउड अभिनेता अक्षय कुमारको फिल्म ‘मिशन मंगल’ सय करोडको क्लबमा समावेश हुन केही कदममात्रै टाढा छ । सो फिल्मले ‘कबिर सिंह’ को रेकर्ड तोडेर यो वर्ष आइतबारको दिन सबैभन्दा धेरै कमाउने हिन्दी फिल्मको उपाधि पनि आफ्नो नाममा पारेको छ ।

आइतबारसम्म यो फिल्मले ९६.५० करोड कमाई गरेको थियो । बक्सअफिसइन्डिया डट कमका अनुसार शाहिद कपुरको ‘कबिर सिंह’ ले रिलिजको पहिलो आइतबार २७.२५ करोड भारुको कमाई गरेको थियो भने मिशन मंगलले यो रेकर्डलाई केही अन्तरले पछार्दै करिब २७.५० करोड भारुको कमाई गर्यो ।