प्रहरीले छुट्टाछुट्टै ठाउँबाट ३ शव फेला पारेको छ । रौतहट, बझाङ र सप्तरीबाट ३ शव भेटिएको प्रहरीले जनाएको छ ।

रौतहटको मौलापुर नगरपालिका–६ पथराटोलमा सोमबार राति स्थानीय किशोर यादवकी ४ वर्षीया छोरी लक्ष्मी कुमारी घर नजिकै रहेको पोखरीको पानीमा मृत भेटिएकी हुन् । बाबुआमासँगै सुतेकी बालिका सोमबार राति नै बेपत्ता भएको र खोजतलासको क्रममा मृत भेटिएको रौतहट प्रहरीले जनाएको छ ।

बझाङको बुङगल नगरपालिका–२ गिरौतार्के बगरमा आज बिहान काले धामीकी २१ वर्षीया छोरी ललिता मृत भेटिएको हो ।सप्तरीको डाक्नेश्वरी नगरपालिका–९ मा पनि आज बिहान राजगढ गाउँपालिका–५ का ६० वर्षीय सकलदेव राम मृत भेटिएको हो ।

तीनै वटा घटनाका सम्बन्धमा अनुसन्धान भइरहेको प्रहरीले जनाएको छ ।