काठमाडौँ: त्रिदेशीय कप फुटबल अन्तर्गत नेपाल र बंगलादेशबीचको फाइनल खेल सुरु भएको छ। त्रिपुरेश्वरस्थित दशरथ रंगशालमा दुई देशबीच उपाधि भिडन्त सुरु भएको हो।

खेल हेर्नका लागि प्रधानमन्त्री केपी शर्मा ओलीले पनि रंगशाला पुगेका छन्। किर्गिस्तान, नेपाल र बंगलादेश सहभागी खेलको शीर्ष दुईमा रहेका टोली फाइनल पुगेका हुन् ।

नेपालले समूह चरणमा बंगलादेश र किर्गिस्तानसँग गोलरहित बराबरी खेलेको थियो । बंगलादेशले किर्गिस्तानलाई समूह चरणको खेलमा १–० ले पराजित गरेको थियो । सो खेलमा आत्मघाती गोल किर्गिस्तानका लागि घातक बनेको थियो।